Побарувачката за Bitcoin во последниот месец значително се намали, покажуваат on-chain податоците што ги анализира CryptoQuant. Според раководителот за истражување на платформата, Хулио Морено, вкупната побарувачка за Bitcoin на spot и futures пазарите се намалува со темпо споредливо со периодот по колапсот на Terra/LUNA во 2022 година.
Под „побарувачка“ се подразбира вкупното движење на Bitcoin кон spot и дериватните пазари. Во април и првата половина од мај, побарувачката растеше заедно со цената, но податоците покажуваат важна разлика: растот главно бил поттикнат од futures пазарот, додека spot побарувачката веќе се намалувала.
Тоа е значаен сигнал, бидејќи во претходните bull фази, растот на Bitcoin обично бил поодржлив кога истовремено растеле и spot и futures побарувачката. Таква слика била забележана во растовите од 2024 и 2025 година. Последното закрепнување, пак, повеќе личело на шпекулативен раст преку деривати, без доволно силна поддршка од реална spot побарувачка.
По промената на расположението на пазарот, futures активноста почнала да се движи во иста насока како spot пазарот — надолу. Според податоците, 30-дневната промена во вкупната побарувачка моментално изнесува минус 501.000 BTC, што е најниско ниво од мај 2022 година.
За споредба, по колапсот на Terra/LUNA, контракцијата на побарувачката достигнала околу минус 559.000 BTC. Денешното ниво сè уште не е толку екстремно, но е доволно блиску за аналитичарите да предупредат дека Bitcoin пазарот минува низ еден од најсилните падови на побарувачката во последните години.
Колапсот на Terra/LUNA беше еден од најтешките настани во bear market периодот од 2022 година. Тогаш алгоритамскиот stablecoin UST ја изгуби врзаноста со доларот, што предизвика распад на Terra екосистемот и силен удар врз целиот криптопазар.
По последниот пад, Bitcoin се спушти на околу 63.200 долари, што е најниско ниво од февруари. Главното прашање сега е дали побарувачката ќе продолжи да се намалува или пазарот ќе најде нова зона на стабилизација.
